ජාතික නාට්‍ය පාසල

ශත වර්ෂ ගණනාවක් ඇදී යන දේශීය නාට්‍ය කලාව පොහොසත් සංස්කෘතියකින් බිහිවූවකි.  විවිධ සොන්දර්ය ‍ක්ෂේත්‍රයන්ගෙන් මෙන්ම, නොයෙක් විෂය ධාරාවන්ගෙන් ද උපලක්ෂිත මෙම සජීවි කලාවට, විදේශීය නාට්‍ය කලාවේ ආභාෂය නොඅඩුව ලැබී ඇත.

විශ්ව විද්‍යාලයෙහි උපාධි පාඨමාලා

වර්තමානයේ ඉගැ‍න්වෙන නාට්‍ය හා රංගකලාව ජාතික අධ්‍යාපන ආයතනයෙහි පශ්චාත් උපාධි පාඨමාලාවක් ලෙස පැවැත්වේ.  9 වැනි‍‍ ශ්‍රේණියේ සිට උසස් පෙළ දක්වා සොන්දර්ය විෂයක් ලෙස පාසල් විෂය නිර්දේශයෙහි ඇතුළත් නාට්‍ය හා රංගකලාව අනාගතයේ දී 6 වැනි ශ්‍රේණියේ සිටම ක්‍රියාත්මක කිරීමට මේවන විටත් විෂය නිර්දේශය සැකසෙමින් පවතී.

ප්‍රථම සිංහල චිත්‍රපටය බිහි වීමට පාදක වූයේ ද නාට්‍ය කලාවයි.  ඊට පුරෝගාමී වූයේ " මිනර්වා ඇමටර් ඩ්‍රැමටික් ‘කම්පැනි" නමින් ක්‍රියාකාරී නාට්‍ය කණ්ඩායම් සාමාජිකයෝය. දේශිය නාට්‍ය කලාවෙහි ආරම්භය හා ව්‍යාපෘතිය උදෙසා ද නාට්‍ය කලාවෙහි බලපෑම ප්‍රබලව මතුව පෙනේ.   තන්හි තන්හී බිහිවන නාට්‍ය නිෂ්පාදන, වැඩමුළු, සම්මන්ත්‍රණ ආදී දෑ පිරික්සීමෙන්ද පැහැදිලි වනුයේ මෙම විෂය ධාරාව ලබා ඇති වර්ධනාත්මක තත්වයයි.

සංඛ්‍යාත්මක හා වර්ධනාත්මක ලෙස දේශීය නාට්‍ය කලාව ගොඩනැගෙමින් පැවතුනද එය ගුණාත්මක බවින් හීනය.  න්‍යායාත්මක හා ප්‍රායෝගික ලෙස නාට්‍ය කලාව ක්‍රමවත්ව හා විධිමත්ව හැදෑරීමට අවකාශ සැළසී නොතිබීම ඊට විශාල හේතුවක් වී ඇත.

මිනිස් සිත් සතන් ප්‍රබෝධ කරමින් වඩා යහපත් පුරවැසියෙකු බිහිකිරීමට නාට්‍ය කලාව මගින් සුවිශේෂී මෙහෙයක් ඉටුකළ හැකි බව,  විවිධ විෂය ඉගැන්වීමෙහිලා මෙම විෂය භාවිතා කිරීමෙන්ම මනාව පැහැදිලි වේ.

ජාතික නාට්‍ය පාසලක් හෝ ආයතනයක් පිහිටුවා එමගින් නාට්‍ය කලාව ප්‍රවර්ධනය කිරීමට ලෝකයේ බොහෝ රටවල් රාජ්‍ය අනුග්‍රහය ලබා දෙන්නේ, එමගින් මනා මානව සංවර්ධනයක් බිහි කිරීමට හැකි බැවිනි.  එය ජාතික අවශ්‍යතාවයක් මෙන්ම ජාතික වටිනාකමකි.

මෙම ජාතික අවශ්‍යතාව හදුනා ගනිමින් ටවර් හෝල් රඟහල පදනම විසින් 1997 දී නාට්‍ය පාසලක් ආරම්භ කරන ලදි.  ඉන් එක් වර්ෂ පූ්ණකාලීන නාට්‍ය කලාව පිළිබඳ ඩිප්ලෝමාවක් පැවැත්වීය.  එය 2000 දී දෙවර්ෂ පූර්ණ කාලීන උසස් ඩිප්ලෝමාවක් වූ අතර, මේ වන විට විශ්ව විද්‍යාලයීය උපාධියක් දක්වා වර්ධනය වී ඇත.

ශාස්ත්‍රීය හා ප්‍රායෝගික වශයෙන් ක්‍රමික වර්ධනයක් ලබා ඇති මෙම නාට්‍ය පාසල, ජාතික නාට්‍ය පාසල වශයෙන් වර්ධනය විය යුතුව ඇත.

අරමුණු හා පරමාර්ථ